Samfélagsmiðilinn Twitter auðkenndi falskan aðgang fyrir fyrirtækið Disney um helgina. 

BBC greinir frá því að Twitter hafi auðkennt aðganginn @DisneyJuniorUK með gylltum stimpli áður en aðganginum var lokað fyrir óviðeigandi tíst. Raunverulegur aðgangur Disney Junior fékk einnig auðkenningu. 

Eigandi aðgangsins tísti „þetta getur ekki verið satt. Er einhver til í að klípa mig eða eitthvað“. Tístið fór um netheima eins og eldur í sinu. 

Óvissa hefur ríkt um auðkennda aðganga Twitter eftir að Elon Musk, for­stjóri Twitter, til­kynnti í nóv­em­ber að brátt tæki við áskrift­arþjón­usta þar sem fólki væri gert að greiða fyr­ir auðkenninguna. 

Frétt af mbl.is

Twitter byrjar að fjarlægja bláa stimpla

Um helgina misstu margir frægir einstaklingar bláa stimpilinn sinn, þar á meðal söng­kon­an Beyonce og Frans páfi. Stimp­ill­inn kom fyrst til sög­unn­ar árið 2009, eft­ir að hafn­ar­bolta­leik­ari fór í mál við Twitter vegna falskra aðganga í hans nafni. 

Nú verður boðið upp á þrjár leiðir í áskriftarþjónustunni. Hver sem er getur greitt átta dollara á mánuði fyrir bláan stimpil, fyrirtæki og samtök geta greitt þúsund dollara á mánuði fyrir gylltan stimpil og þá fá opinberar stofnanir gráan stimpil.