Fyrirsætan Toni Garn hefur sótt um skilnað frá eiginmanni sínum, leikaranum Alex Pettyfer. Garn og Pettyfer hafa verið gift í tvö ár. 

Hún tilkynnti um skilnaðinn yfir helgina á samfélagsmiðlum. Í tilkynningu hennar kemur fram að parið hafi komist að sameiginlegri niðurstöðu um að skilja. Hún segir einnig að þau muni áfram vera góðir vinir og sinna foreldrahlutverki sínu af mikilli ást og eljusemi, en parið deilir eins árs gamalli dóttur, Luca.

Parið byrjaði saman árið 2018 og gifti sig í innilegri athöfn, síðla árs 2020. Pettyfer hefur ekki tjáð sig opinberlega um skilnaðinn að svo stöddu að því er fram kemur á vef Page Six.