Mikil sönggleði var í Smáraskóla síðastliðna helgi er landsmót íslenskra barnakóra var haldið. Alls mættu 250 börn víðs vegar af landinu og var þema mótsins að þessu sinni Eurovision.

Mótinu lauk með lokatónleikum í troðfullri Digraneskirkju þar sem nýjar útsetningar við uppáhalds Eurovisionlög Íslendinga voru sungnar. Einnig fluttu kórarnir nýja útsetningu af framlagi Íslands í Eurovision í ár. Með flutningnum vildu börnin senda hlýjar kveðjur til Diljár og föruneytis hennar og óska þeim góðs gengis.

Eins og sést á myndunum hér fyrir neðan var góð stemning á mótinu, enda fátt betra en söngur til að tengja saman fólk. 

Ljósmynd/Aðsend mynd

Ljósmynd/Aðsend mynd