Uppskriftir | 12. maí 2023

Þetta er uppáhaldsmorgunmatur Sunnevu Einars

Sunneva Einarsdóttir er ekki einungis einn vinsælasti áhrifavaldur landsins heldur er hún líka mikill matgæðingur og þykir gaman að stússast í eldhúsinu. Sunneva hugar vel að heilsunni og leggur áherslu á að borða næringarríkan mat, en hún deildi nýverið uppskrift af sínum uppáhaldsmorgunmat.

Þetta er uppáhaldsmorgunmatur Sunnevu Einars

Uppskriftir | 12. maí 2023

Áhrifavaldurinn Sunneva Einars hugar vel að heilsunni og byrjar daginn á næringarríkum morgunmat. Samsett mynd

Að sögn Sunnevu er rétturinn í senn fljótlegur, hollur og mjög bragðgóður. Hráefnin eru einföld og aðferðin enn einfaldari. Þar að auki er rétturinn stútfullur af góðu próteini úr eggjunum og kotasælunni, hollri fitu úr avókadóinu og með grænmeti.

Uppáhaldsmorgunmatur Sunnevu Einars

Hráefni

Grænmeti að eigin vali (Sunneva notar sveppi, tómata og lauk)
3 egg
Krydd (Sunneva notar chili og pipar)
100g kotasæla
1/2 avókadó
Siracha-sósa

Aðferð:

Byrjaðu á því að steikja grænmetið þitt. Sunneva notar það grænmeti sem hún á í ísskápnum, en í þetta sinn notaði hún sveppi, tómata og lauk.
Bættu eggjunum út á pönnuna. Sunneva notar eitt heilt egg og tvær eggjahvítur en bendir fólki á að fjöldi eggja fari eftir smekk.
Eldið eggin á miðlungshita og bætið við kryddi. Sunneva notar chilli og pipar.
Þegar eggin eru tilbúin, færðu þau yfir á disk og bættu við kotasælu og avókadó.
Toppaðu réttinn með Siracha-sósu.