Britney Spears | 13. maí 2023

Britney Spears sögð lifa á koffíndrykkjum

Britney Spears er sögð neyta koffíndrykkja í lítra tali. Sérfræðingar segja það ekki gott fyrir heilsuna en segja þetta hins vegar eitthvað sem fólk með geðraskanir sækja mikið í.

Britney Spears sögð lifa á koffíndrykkjum

Britney Spears | 13. maí 2023

Britney Spears sækir í koffín drykki og á erfitt með svefn. AFP

Britney Spears er sögð neyta koffíndrykkja í lítra tali. Sérfræðingar segja það ekki gott fyrir heilsuna en segja þetta hins vegar eitthvað sem fólk með geðraskanir sækja mikið í.

Heimildarmenn fréttaveitunnar TMZ segja að Spears drekki Red Bull, Celsius, kaffi og te í lítra vís á degi hverjum. Í kjölfarið á hún erfitt með svefn og vakir stundum þrjár nætur í röð.

Læknar segja að fólk með geðraskanir þrái að finna áhrifin sem slíkir drykkir veita en benda jafnframt á að þetta sé afar óhollt fyrir líkamann.

„Koffín er algengasta „lyfið“ í heiminum. Sé þess neytt í miklu magni þá getur það haft ýmsar óþægilegar hjáverkanir eins og til dæmis niðurgang, hraðari púls, kvíði, hausverkur og fleira. Þá dregur koffín úr gæðum svefns sé þess neytt sex tímum fyrir svefn,“ segir á heimasíðu Mayo Clinic.

„Fólk sem á við orkuleysi og þunglyndi eða aðrar lyndisraskanir að etja getur leiðst út í kaffifíkn,“ segir Hartney læknir. „Þá getur fólk notað kaffi sem hækju til að bæta upp fyrir lélegan svefn.“