Leikkonan Chelsea Handler segist hafa áttað sig á því að hún yrði að hætta með fyrrverandi kærasta sínum, Ted Harbert, eftir að þau fóru í trekant með nuddaranum hennar. 

Handler sagði frá atvikinu í þættinum Andy Radio síðastliðin miðvikudag. „Ég var mjög heit fyrir þessari konu. Ég endaði á því að sofa hjá henni nokkrum sinnum án kærastans míns,“ sagði leikkonan.

Trekanturinn varð hins vegar til þess að hún áttaði sig á því að hún væri hrifnari af konunni en kærasta sínum sem leiddi til sambandsslitanna. „Það var þá sem ég vissi að það væri kominn tími til að hætta með kærastanum mínum,“ bætti hún við. 

Í þættinum viðurkenndi Handler að hafa aldrei sagt þáverandi kærasta sínum frá því að hún væri að sofa hjá nuddaranum. Hún sagði að trekantur þeirra hefðu verið „skemmtilegur“ og sagðist vera til í að taka þátt í slíku aftur en bara með manni og konu, ekki tveimur karlmönnum.