Rapparinn Nicki Minaj undirgekkst brjóstaminnkun nýlega og frumsýndi „nýju brjóstin“ í stuttu myndskeiði á Instagram.

Frétt af mbl.is

Allsber á 39 ára afmælinu

Í myndbrotinu má sjá Minaj spila brot úr laginu Barbie World, en það er eitt af þeim fjölmörgu lögum sem má heyra í kvikmyndinni Barbie, sem er væntanleg í kvikmyndahús síðar í sumar.

Í myndbandinu fengu brjóst hennar að njóta allrar athyglinnar og skipti hún um toppa til að sýna brjóstaskoruna. Það má því segja að Minaj sé sátt með afrakstur aðgerðarinnar, en hún hefur lengi talað um að vilja undirgangast brjóstaminnkun. Hún laumaði lítilli athugasemd undir myndbandið en þar stóð: „Ný brjóst, hver er þetta?“