Þann 30. maí síðastliðinn samþykkti Alþingi frumvarp Svandísar Svavarsdóttur matvælaráðherra um breytingu á lögum um veiðar í fiskveiðilandhelgi Íslands með tilliti til aflvísa. Með breyttum viðmiðum laganna er vonast til að útgerðir geti tekið í notkun ný og sparneytnari skip sem hafa aukið afl vegna stærri skrúfu.

Smábátasjómenn óttast að auknar togveiðar á grunnslóð. mbl.is/Árni Sæberg

„Landssamband smábátaeigenda (LS) mótmælti frumvarpi ráðherra á öllum stigum og færði fyrir því ýmis rök. Það eru því mikil vonbrigði að frumvarpið hafi verið samþykkt sem lög. LS hefur þegar hafið undirbúning að því að lögunum verði breytt, enda líklega ekki seinna vænna ef koma á í veg fyrir innheimtu skaðabóta þeirra sem nú eru að útbúa sig til að sækja á grunnslóðina, sem þeir gátu ekki áður,“ segir Örn Pálsson, framkvæmdastjóri LS.

Bendir hann á rannsókn Michelle Lorraine Valliant sem sýnt hefur fram á að ungviði þorsktegunda leita í kalkþörungabreiður í íslenskum fjörðum sem mynda mikilvægt búsvæði.

Frétt af mbl.is

Kalkþörungabreiðurnar eru iðandi af lífi

„Með breytingunni verður vélarafl og togkraftur ekki lengur hamlandi þáttur á trollveiðar innan 12 mílna landhelgislínunnar. Með breytingunni er verið að raska því jafnvægi sem ríkt hefur við veiðar og nýtingu á grunnslóðinni, allt í nafni orkuskipta,“ segir hann.

Nánar má lesa um málið í Morgunblaðinu.