Það er ávallt jafn spennandi að fá nýjar uppskriftir að morgunverði og auka hugmyndaflugið. Við fengum Birgittu Líf Björnsdóttir markaðsstjóra World Class, áhrifavald og raunveruleikapersónu í LXS á Stöð 2 til ljóstra upp sínum uppáhaldsmorgunverði. Heyrst hefur að Birgitta lumi einmitt á góðri uppskrift af hollum og næringarríkum morgunverði sem bragðast eins og sælgæti.

Færðu þér ávallt morgunverð?

„Nei, ég er alltaf að reyna vera duglegri að fá mér góðan morgunmat. Ég byrja daginn oftast á æfingu og fæ mér svo góða næringu eftir hana.“

Finnst þér skipta sköpun að fá þér morgunverð fyrir daginn?

„Það fer auðvitað eftir hvað maður er að gera en mér finnst mestu máli skipta að fyrsta máltíðin sé næringarrík og góð frekar en tímasetningin á henni.“

Hvað er uppáhaldsmorgunverðurinn þinn?

„Overnight oats“ eru í mestu uppáhaldi þegar ég nenni að græja það kvöldið áður. Það tekur reyndar enga stund og er súper einfalt og gott.“