Bragi Páll Sigurðarson rithöfundur er búinn að vera án áfengis og vímuefna í ellefu ár í dag. Bragi gekk inn á Vog á þessum degi árið 2012.

Hann skrifaði færslu á Facebook um áfangann í dag og kallaði eftir bótum á meðferðarkerfinu á Íslandi.

„20. júní 2012 gekk ég inn á Vog.
11 ár.
4015 sinnum hef ég lagt allsgáð höfuð á koddann.
4015 sinnum hef ég vaknað óþunnur.
Fyrst einn. Svo tvö. Svo þrjú. Svo fjögur.
4015 daga ferðalag frá sjálfsvígshugsunum yfir í þakklæti.
4015 dagar þar sem ég hef fengið að búa mér til líf úr engu, af því ég fékk hjálp.
Systkini okkar eru að deyja á biðlistum. Ég hefði dáið þar. Lögum meðferðarkerfið. Björgum okkur,“ skrifar Bragi.