Fólk sem hefur áhuga á tískuheiminum bíður ósjaldan spennt fyrir því þegar franska tískuhúsið Chanel sýnir nýjar tískulínur. Það gerðist í vikunni þegar Haute Couture línan var kynnt fyrir haust og vetur 2023-24 í París. Tískusýningin fór fram í hjarta Parísar við Signu-bakka. 

Kvenlegheitin eru í forgrunni í hausttískunni en línan er innblásin var töfrum Parísar. Fólk sem heimsækir París reglulega veit um hvað er rætt. Yfirhönnuður Chanel, Virginie Viard, vildi kalla fram andstæður með því að blanda saman hinu klassíska útliti tískuhússins með efnum með útsaumuðum ávöxtum og blómum sem minna á myndlist fyrri tíma. 

Í línunni má sjá síð pils í öllum útgáfum, tvíhneppta jakka, blúndur, slaufur, siffon og gulltölur.