Leikkonan Aníta Briem og leikstjórinn Dean Paraskevopoulos eru flutt í sundur. Hjónin giftu sig árið 2010 á grísku eyjunni Santorini. Paraskevopoulos er frá Grikklandi en lengst af bjuggu þau í Los Angeles í Bandaríkjunum. Árið 2020 urðu breytingar á högum þeirra og Ísland kallaði.

Þau fluttu inn í íbúð í Vesturbænum en þar býr hún núna ásamt dóttur þeirra. 

Paraskevopoulos er bæði leikari og leikstjóri en hann er þekktastur fyrir kvikmyndirnar Too Smooth, Liberty Street og Everything Will Happen Before You Die.

Aníta er ein þekktasta leikkona landsins. Nú hefur hún hinsvegar verið að einbeita sér að handritagerð og skrifaði þáttaröðina Svo lengi við lifum en þættirnir verða sýnir á Stöð 2 í haust. 

Smartland óskar Anítu og Paraskevopoulos góðs gengis í öldugangi lífsins!