Skyrskálar hafa verið í miklu uppáhaldi hjá landsmönnum og erlendum ferðamönnum síðustu misseri og er óhætt að segja að nýjustu skálarnar hjá Ísey Skyr Bar hafi slegið í gegn.

„Jökulsárlón og Rauðisandur eru gómsætar sumarskálar sem sækja innblástur í íslenska náttúru og eru í boði nú yfir sumartímann en þær eru allt í senn próteinríkar, áferðarmjúkar og einstaklega gómsætar,“ segir í fréttatilkynningu frá Ísey Skyr Bar. 

Það kennir ýmissa grasa á matseðlinum hjá Ísey Skyr Bar þar sem leikið sér er með bragð á alls kyns orkuríkum og hollum hráefnum á einni og sömu undirstöðunni; íslenska skyrinu.

Jökulsárlón og Rauðisandur nýjasta nýtt

Jökulsárlón er fagurblá og inniheldur kókosskyr og bláa spirulinu í botninum, blöndu af jarðarberjum, hindberjum, döðlum og eplum sem millilag og á toppnum er bragðgott granóla, karamellukókosflögur, dökkt stevía súkkulaði og hnetusmjör.

Rauðisandur inniheldur creme brulée skyr í botninum og sama millilag og topp og Jökulsárlón.

„Hvort sem þig dreymir um ískalda hollustu eða rauðan sand og sól erum við þess fullviss um að skyrunnendur verða ekki sviknir af þessum bragðgóðu sumarskálum en báðar skálar fást nú á öllum Ísey Skyr Bar stöðum landsins sem eru hvorki meira né minna en ellefu talsins.“