Tónskáldið Herdís Stefánsdóttir og Dustin James O'Halloran, tónskáld og píanóleikari, hafa fest kaup á glæsihúsi. Húsið var áður var í eigu Hafsteins Júlíussonar og Karitasar Sveinsdóttur sem reka HAF studio. Þau gerðu húsið upp á sinn einstaklega smekklega hátt þar sem ljósar innréttingar og marmari er í forgrunni. 

Frétt af mbl.is

Hafsteinn og Karitas selja glæsihús sitt

Parið hefur gert það gott í tónlistarheiminum. Þau hafa búið til skiptis á Íslandi og í Los Angeles í Bandaríkjunum en eftir að kórónuveirufaraldurinn hófst hafa þau verið meira hérlendis. Það er því ekkert skrýtið að þau hafi fallið fyrir húsinu sem byggt var 1916 af Ein­ari Arn­órs­syni ráðherra. Í gegn­um tíðina hafa þekkt­ir ein­stak­ling­ar búið í hús­inu en þess má geta að Hall­dór Lax­ness bjó þar á ár­un­um 1930-1939 en á þeim árum skrifaði hann Heims­ljós, Sölku Völku og Sjálf­stætt fólk. 

Herdís samdi til dæmis tónlistina fyrir Verbúðina ásamt Kjartani Hólm. Auk þess samdi hún tónlistina í nýjustu mynd M. Nights Shyamalans Knock at the Ca­bin. 

„Umboðsmaður­inn minn hringdi í mig og spurði mig hvort ég vissi hver M. Nig­ht Shyamal­an væri,“ sagði Her­dís í sam­tali við mbl.is síðasta haust. Hún sagðist hafa vitað það. „Hann vill tala við þig eins fljótt og auðið er, ertu laus á morg­un?“ spurði umboðsmaður­inn Her­dísi þá. 

Frétt af mbl.is

Semur tónlistina fyrir mynd M. Night Shyamalan

Smartland óskar Herdísi og O'Halloran til hamingju með nýja húsið!