„Það getur ekkert samband haldist nema að því sé viðhaldið,“ sagði Linda Baldvinsdóttir, markþjálfi og samskiptaráðgjafi í Dagmálum í vikunni. 

Lykillinn að heilbrigðum samskiptum

Linda hefur lengi stúderað samskipti og veitt einstaklingum verkfæri til að bæta og byggja upp heilbrigð samskipti í samböndum.

Telur hún hraðann sem ríkir í samfélaginu hafa hamlandi áhrif á hversdagsleika fólks sem hvorki hefur kost á því að leggja rækt við sjálft sig né aðra vegna óraunhæfra krafa sem samfélagið hefur sett.

„Ég ætla bara að leyfa mér að fullyrða það að hjónalífið verður að engu,“ sagði Linda eftir að hafa sett upp dæmi um hinn hefðbundna dag í lífi barnafjölskyldna sem eru sjaldnast neitt annað en annasamir og geta reynt verulega á hjóna- og parasambönd.

„Ef hjónalífið mætir afgangi þá vitum við hvað framtíðin ber í skauti sér.“

Smelltu hér til að hlusta eða horfa á viðtalið við Lindu í heild sinni.