Eiginmaður Britney Spears, Sam Asghari, hefur sótt um skilnað við poppstjörnuna vegna meints framhjáhalds. 

Orðrómur um erfiðleika í hjónabandi Asghari og Spears hefur verið á kreiki í nokkurn tíma, en Page Six staðfesti sambandsslit þeirra í gær, miðvikudag, og herma heimildir TMZ að Asghari hafi sótt um skilnað í kjölfarið og sé þegar fluttur út af heimili þeirra. 

Þá er skilnaðurinn sagður vera tilkomin vegna mikilla rifrilda á milli hjónanna og er Asghari sagður hafa sakað Spears um að hafa verið honum ótrú.

Ekki alltaf dans á rósum

Samband Spears og Asghari hefur ekki alltaf verið dans á rósum, en Asghari bað Spears í september 2021. Í apríl 2022 tilkynnti parið að þau ættu von á barni, en mánuði síðar greindu þau frá fósturmissi. 

Frétt af mbl.is

Spears missti kraftaverkabarnið

Þau gengu í það heilaga í júní 2022 við lágstemmda athöfn í Los Angeles, en fyrir brúðkaupið rataði Asghari í fjölmiðla vegna þess hve erfiðlega gekk að gera kaupmála og voru kröfur Asghari sagðar miklar. 

Frétt af mbl.is

Styttist í brúðkaup Britney Spears

Frétt af k100.is

Vill fá háa upphæð ef hann skilur við Britney