Fyrirsætan Íris Freyja Salgu­ero Krist­ín­ar­dótt­ir og athafnamaðurinn Egill Halldórsson áttu ljúfa helgi í borg ástarinnar, París í Frakklandi, en tilefni ferðarinnar var afmæli Írisar. 

Íris Freyja og Egill hafa verið dugleg að ferðast frá því þau kynntust fyrir rúmu ári síðan. Í sumar heimsóttu þau ótal töfrandi staði bæði hérlendis og erlendis, til dæmis Þórsmörk, Kerlingarfjöll, Skaftafell, Róm, Mílanó og Sardiníu svo eitthvað sé nefnt. 

Frétt af mbl.is

Íris Freyja sigldi um Sardiníu og varð ástfangin

„Alltof heppin með kærasta“

Síðastliðna helgi kom Egill kærustu sinni verulega á óvart þegar hann bauð henni í óvænta afmælisferð til Parísar. 

„Besta og fallegasta afmælishelgin. Alltof heppin með kærasta sem planaði óvænta ferð fyrir okkur til Parísar,“ skrifaði Íris við myndaröð frá ferðinni á Instagram. Parið virtist eiga ljúfar stundir í borginni þar sem þau fóru meðal annars á Louvre-safnið, skoðuðu Notre-Dame og heimsóttu Eiffel-turninn.