Verslunin Lyfja hefur sent nokkrum einstaklingum afsökunarbeiðni vegna tilefnislausra uppflettinga á nöfnum þeirra í verslunum félagsins.

Morgunblaðið hefur nokkrar slíkar afsökunarbeiðnir undir höndum, en fyrr í vor greindi blaðið frá því að þess væru dæmi að þjóðþekktu fólki væri flett upp í lyfjaávísunargátt (sem öll apótek hafa aðgang að) án tilefnis. Flestar uppflettingarnar áttu sér stað 2021.

Frétt af mbl.is

Staðfestir ákvörðun um að hætta rannsókn á málinu

Sigríður Margrét Oddsdóttir, fráfarandi forstjóri Lyfju, skrifar undir þau bréf sem blaðið hefur undir höndum. Hún svaraði ekki fyrirspurnum blaðsins þegar fjallað var um málið í vor en Þórbergur Egilsson, framkvæmda­stjóri verslanasviðs Lyfju, staðfesti að Lyfju hefðu borist erindi sem sneru að tilefnislausum uppflettingum í lyfjagátt. Uppflettingarnar eru enn til rannsóknar hjá lögreglu.