Sænska fyrirsætan Hanna Schönberg er stödd á Íslandi um þessar mundir, en hún hefur notið mikilla vinsælda á samfélagsmiðlum á undanförnum árum og er að mati margra með best klæddu áhrifavöldum í skandinavíu. 

Schönberg birti nokkrar myndir frá fyrsta deginum sínum á Íslandi á Instagram-reikningi sínum í gær, en af myndum að dæma virðist hún hafa eytt deginum á Suðurlandi og fór meðal annars að Seljalandsfossi og á Reynisfjöru. 

Fyrirsætan segist vera í þriggja daga vinnuferð á Íslandi og að hún sé í tökum fyrir spennandi verkefni sem komi betur í ljós um miðjan september. Hún virtist heilluð af náttúrufegurðinni sem landið hefur upp á að bjóða.

Schönberg er í þriggja daga vinnuferð á Íslandi. Skjáskot/Instagram

Hún segist vera spennt að kynna verkefnið um miðjan september. Skjáskot/Instagram

Fyrirsætan er yfir sig hrifin af Íslandi og þykir náttúran sérlega falleg. Skjáskot/Instagram

Það var fallegt veðrið sem tók á móti Schönberg í gær. Skjáskot/Instagram