Fjölmiðlar vestanhafs keppast nú um að flytja fréttir af Joe Jonas og Sophie Turner, en hjónin eru sögð vera að skilja. Jonas og Turner hafa verið gift í fjögur ár en háværar sögusagnir hafa verið á kreiki síðustu daga um yfirvofandi skilnað hjónanna. Það vakti þó mikla athygli á tónleikum Jonas Brothers á sunnudagskvöldið að þegar söngvarinn kom á svið ásamt bræðrum sínum, Kevin og Nick, var hann með giftingarhringinn á baugfingri. 

Söngvarinn er sagður hafa leitað sér lögfræðiráðgjafar vegna skilnaðar í Los Angeles á dögunum en samkvæmt fréttum hafa hjónin átt í miklum erfiðleikum undanfarna mánuði. Jonas sást á götum New York-borgar hinn 11. ágúst síðastliðinn og var þá án hringsins og eru því miklar vangaveltur í gangi um framvindu málsins hjá áhyggjufullum aðdáendum hjónanna. 

Frétt af k100.is

Ástin kulnuð hjá Joe Jonas og Sophiu Turner

Jonas og Turner létu pússa sig saman árið 2019 og fögnuðu ástinni með tveimur brúðkaupum. Parið gifti sig í Las Vegas og hélt einnig stærri athöfn í Frakklandi nokkru síðar þar sem Turner klæddist glæsilegum Louis Vuitton kjól.

Frétt af mbl.is

Deildi áður óséðum myndum úr brúðkaupinu

Frétt af mbl.is

Turner og Jonas eignuðust aðra stúlku

Hjónin eiga tvær ungar dætur, 3 ára og 13 mánaða.