Rann­sókn­ir benda til þess að það sé óheil­næmt að sofa í sokk­um en talið er að um 18% fólks sofi í sokk­um. Þetta kem­ur fram í niður­stöðum rann­sókna MattressNext­Day. 

„Sokk­arn­ir eru oft­ar en ekki skít­ugri en sjón­varps­fjar­stýr­ing­in og kló­settið. Í raun eru sokk­ar tvö­falt skít­ugri en kló­sett­set­an. Við tók­um sýni af mis­mun­andi sokka­pör­um og kom­umst að því að bakt­erí­ur grössuðu á sokk­um yfir dag­inn. Hver mann­eskja var í sömu sokk­un­um all­an dag­inn. Fóru í vinn­una í þeim, voru í þeim heima og í rækt­inni. Bara eins og geng­ur og ger­ist. Aðeins 30% þeirra sem sváfu reglu­lega í sokk­um fóru í hreina sokka fyr­ir hátt­inn,“ segja for­svars­menn rann­sókn­ar­inn­ar í viðtali við Body&Soul.

„Grein­ing­in leiddi í ljós ýms­ar svæsn­ar bakt­erí­ur sem gætu leitt til sýk­ing­ar sem gætu haft áhrif á önd­un­ar­veg eða jafn­vel þvagrás­ina. Þá er fólk lík­legra til þess að fá sveppa­sýk­ing­ar á fæt­urna séu þeir alltaf í sömu sveittu sokk­un­um. Fæt­urn­ir hafa um 250 þúsund svitakirtla þannig að þeir eru lík­leg­ir til þess að svitna mikið yfir dag­inn. Og þá meira á sumr­in.“

„Þeir sem eru hins veg­ar í hrein­um sokk­um uppi í rúmi eru sagðir sofa bet­ur og minna lík­leg­ir til þess að hrjóta.“