Helga Gabríela Sigurðardóttir kokkur deildi á dögunum uppskrift af frábærum „kokteil“ fyrir mæður með barn á brjósti. Helga Gabríela eignaðist sitt þriðja barn í júlí síðastliðnum.

„Extra góður kokteill fyrir mæður með barn á brjósti, og líka bara snilldar „pick me up“ drykkur á daginn í staðinn fyrir að fá sér kaffibolla,“ skrifaði Helga Gabríela við myndskeið þar sem hún sýndi uppskriftina. 

Drykkurinn kallast „adrenal-kokteil“ og á að vera góður fyrir nýrnahetturnar og koma jafnvægi á sölt í líkamanum. Í honum eru tvö helstu steinefnasöltin (e. electrolytes) sem halda meðal annars vökvajafnvægi líkamans í jafnvægi.