Spjallþáttadrottningin Oprah Winfrey gagnrýnir notkun á hinu umtalaða „töfralyfi“ í Hollywod til að grennast og segir það vera „auðveldu leiðina.“

Lyfið sem um ræðir er sykursýkislyfið Ozempic sem ætlað er sykursjúkum, en fjölmargar Hollywood-stjörnur hafa viðurkennt að nota lyfið til að léttast.

Frétt af mbl.is

Segir nýjasta „töfralyfið“ í Hollywood ekki áhættulaust

Frétt af mbl.is

Grenntist með hjálp „töfralyfsins“

Winfrey viðurkennir að henni hafi sjálfri þótt freistandi að fara á lyfið þegar hún heyrði af því fyrst, en þá var hún á leið í aðgerð á hné. Hún segir að hluti af freistingunni hafi þó verið drifinn af því að hafa verið „niðurlægð í blöðum í hverri viku í um 25 ár“ fyrir að hafa ekki „viljastyrk“ til að léttast.

Winfrey ákvað þó fljótt að lyfið væri ekki málið. „Mér fannst ég verða að gera þetta sjálf. Vegna þess að ef ég myndi taka lyfið, þá er það auðveldasta leiðin út,“ sagði hún í samtali við People.

„Eigum við ekki öll að samþykkja hvaða líkama sem fólk velur að vera í? Það ætti að vera þitt val,“ bætti hún við.