Tískuvikan í París | 3. október 2023

Mætti ómáluð á tískuvikuna í París

Pamela Anderson vakti mikla athygli á tískuvikunni í París fyrir að mæta á viðburði ómáluð.

Mætti ómáluð á tískuvikuna í París

Tískuvikan í París | 3. október 2023

Pamela Anderson hlaut mikið lof fyrir að mæta á viðburði tískuvikunnar í París ómáluð. Skjáskot/Instagram

Pamela Anderson vakti mikla athygli á tískuvikunni í París fyrir að mæta á viðburði ómáluð.

Aðdáendur hennar hafa verið duglegir að hrósa henni og segja að hún líti frábærlega út. Hún virki hamingjusöm og sátt við lífið.

Leikkonan Jamie Lee Curtis birti myndir á Instagram af Pamelu Anderson án farða og sagði byltinguna um náttúrulega fegurð vera hafna.

„Pamela Anderson á tískuviku innan um allt þetta prjál og þrýsting og pósur og þessi kona mætir í öllu sínu veldi með ekkert á andlitinu. Ég er svo ánægð með þetta hugrekki og þessa uppreisn,“ sagði Curtis.

Anderson sagði í viðtali við Elle Magazine í ágúst að hún væri hætt að mála sig eftir að förðunarfræðingur hennar, Alexis Vogel, lést úr brjóstakrabbameini.

„Hún var sú besta. Án hennar er það bara betra fyrir mig að vera ekki með andlitsfarða,“ sagði Anderson sem lýsti þessu sem bæði frelsandi og skemmtilegu auk þess sem það sýnir ákveðna uppreisn. Hún mælir með að aðrar konur stígi einnig þetta skref.

„Við byrjum öll að líta undarlega út þegar við eldumst. Ég hlæ stundum að mér þegar ég lít í spegilinn. Er þetta raunverulega að gerast? spyr ég sjálfa mig. Þetta er ferðalag.“