Helga Reyn­is­dótt­ir er ljós­móðir hjá Ljósu og ann­ar stofn­andi. Hún svar­ar spurn­ing­um les­enda mbl.is um allt sem teng­ist meðgöngu og fæðingu. 

Sælar.

Mig langaði til þess að kanna brjóstagjöf hjá 1árs +. Barnið fær brjóst kvölds og morgna og hefur verið að fá brjóstamjólk í pela ef móðir er ekki heima. Það tekur tíma að pumpa sig og best er að eiga þá í frysti fyrir óvænta pössun til dæmis. Væri betra að fara að íhuga að stoðmjólk að kvöldi ef foreldri er óvænt úti?

Kveðja, 

HG.

Helga Reynisdóttir ljósmóðir svarar spurningum lesenda. mbl.is/Hákon Pálsson

Heil og sæl.

Það er í góðu lagi að barn á þessum aldri fái stoðmjólk endrum og eins en eins og þú segir tekur það smá undirbúning að pumpa sig til að eiga brjóstamjólk í frysti. 

Það er þó gott að prófa fyrst hvort barnið vilji ekki örugglega drekka þá mjólk en sum börn eru með mjög sértækan smekk!

Ef þú ferð í burtu í lengri tíma þarftu að handmjólka þig eða pumpa til að viðhalda framleiðslu.

Gangi þér vel með þetta.

Kær kveðja,

Helga Reynis.

Liggur þér eitthvað á hjarta? Þú getur sent Helgu og ljósmæðrunum hjá Ljósu spurningu HÉR.