Systurnar Paris Hilton og Nicky Hilton Rothschild áttu góða daga á tískuvikunni í París á dögunum. Múgur og margmenni umkringdu þær hvert sem þær fóru og höfðu þær gaman af athyglinni.

Þær fóru meðal annars á tískusýningu Stellu McCartney sem frumsýndi sumarlínu næsta árs við góðar undirtektir. Á þeirri sýningu sást greinilega hversu ólíkur fatastíll systranna er. Almennt þykir Nicky Hilton mun látlausari og íhaldssamari í fatavali á meðan Paris er djarfari.

Að þessu sinni klæddist Paris Hilton mjög flegnum hvítum blúndukjól á meðan Nicky Hilton Rothschild klæddist látlausari bláum kjól, hnepptum upp í háls með löngum ermum. Hún náði þó að poppa upp hinn hefðbundna kjól með töffaralegum sólgleraugum í svokölluðum aviator stíl.

Loks fóru systurnar einnig á sýningu Balenciaga og nýttu tækifærið og klæddust mjög djörfum fötum frá Balenciaga. Þar steig Nicky Hilton út fyrir þægindarammann og klæddist svörtum, þröngum samfestingi og íburðarmikilli kápu. Útlit sem hún er síður en svo þekkt fyrir.

Frétt af mbl.is

Myndi ekki klæðast þessu á ný

Systurnar klæddar í Balenciaga. Skjáskot/Instagram

Paris Hilton og Nicky Rothschild sýndu sínar bestu hliðar. AFP

Cate Blanchett var töffaraleg á sýningunni. AFP

Cate Blanchett (t.h.) og Robert Downey Jr léku á als oddi fyrir sýningu Stellu McCartney. AFP

Stellu McCartney var ákaft fagnað að lokinni sýningu. AFP

Nýja sumarlína McCartney er flott og stílhrein. AFP

Það er fátt fágaðra en að hafa Eiffel-turninn sem bakgrunn tískusýningar. AFP