Svo virðist sem Charlene prinsessa af Mónakó hafi orðið þreytt á dökka hárinu sem hún skartaði í sumar og er aftur komin með ljóst hár.

Charlene hefur aldrei verið hrædd við að breyta um hárgreiðslu en er almennt stuttklippt með ljóst hár. Í sumar ákvað hún að breyta til að dekkti hárið til mikilla muna og leyfði því aðeins að vaxa þannig að heildarútlitið varð aðeins mýkra og hlýlegra. 

Hún hefur nú enn og aftur breytt til og er aftur horfin til fyrra útlits sem gengur út á það að vera snöggklippt með ljósar strípur.

Charlene prinsessa er ein fárra konunglegra kvenna sem kjósa að hafa hárið snöggklippt og skapar sér þannig ákveðna sérstöðu að því leyti. Helst ber að minnast Díönu prinsessu sem braut blað með sinni drengjaklippingu þegar hún giftist Karli krónprins Bretlands á sínum tíma.

Frétt af mbl.is

Charlene prinsessa orðin dökkhærð

Hár prinsessunnar eins og það lítur út í dag. Hún hefur lýst upp hárið með mildum strípum. Skjáskot/Instagram

Charlene prinsessa er alltaf vel klippt og er óhrædd við að prófa nýjar hárgreiðslur. AFP

Charlene prinsessa var eitt sinn rökuð á annarri hliðinni. AFP

Charlene prinsessa hefur líka verið með sítt hár en hefur meira gaman af því að fara óhefðbundnar leiðir með stutta hárið. AFP

Það vakti mikla athygli þegar Charlene prinsessa skartaði þessum þvertoppi og mörgum þótti hann ekki fallegur. AFP