Mengandi hreinsibúnaður skipa | 12. október 2023

Segja hreinsunarbúnað mengunarvald

Útblásturshreinsibúnaður skipa sem brenna svartolíu, svokallaður vothreinsibúnaður (e. scrubber), sem nýttur er í þeim tilgangi að koma í veg fyrir loftmengun, veldur verulegri mengun í höfnum í Evrópu. Má gera ráð fyrir að meira en 90% af skaðlegum efnum, þar á meðal þrávirkum PAH-efnum, megi rekja til losunar hreinsunarbúnaðarins, að því er fram kemur í umfjöllun Morgunblaðsins.

Segja hreinsunarbúnað mengunarvald

Mengandi hreinsibúnaður skipa | 12. október 2023

Mörg flutningaskip nota vothreinsibúnað sem losar úrgang í sjó. mbl.is/Hari

Þetta er niðurstaða vísindamanna við Chalmers-tækniháskólans í Gautaborg í Svíþjóð.

„Þessi rannsókn sýnir að það er umtalsvert mengunarálag af málmum og PAH frá skipum í höfnum og að stór hluti mengunarinnar dreifist í nærliggjandi umhverfi. Þess vegna er þörf á heildrænu mati á rekstri skipa til að gera sér fulla grein fyrir áhrifum á lífríki hafsins,“ segir í grein vísindamannanna sem birt var fyrr á árinu í vísindatímaritinu Marine Pollution Bulletin.

Frétt af mbl.is

Dísilolía og minni hraði gæti minnkað mengun

„Niðurstöðurnar tala sínu máli. Strangar reglur um losun hreinsivatns geta skipt sköpum fyrir lífríki sjávar,“ er haft eftir Önnu Lunde Hermannsson, doktorsnema við véla- og siglingafræðideild Chalmers, á vef háskólans.

Í grein vísindamannanna kemur fram að mengunin safnist mest upp í höfnum þar sem lítil hreyfing er á sjónum, þar sem lítill munur er á flóði og fjöru, eins og einkennir sérstaklega Eystrasaltið. Það takmarkar þó ekki umhverfisáhrifin að sögn Lunde Hermannsson.

Umfjöllunina í heild má lesa í Morgunblaðinu í dag.