Dmítró Kúleba, utanríkisráðherra Úkraínu, óskar Bjarna Benedikssyni til hamingju með skipun sína sem utanríkisráðherra Íslands. Þá þakkar hann Þórdísi Kolbrúnu Reykfjörð Gylfadóttur fjármálaráðherra, fyrir störf sín sem utanríkisráðherra.

„Ég hlakka til að þróa enn frekar framúrskarandi samband okkar og vinna náið saman á tveimur hliðum Evrópu til að verja frelsi og sameiginleg gildi okkar,“ skrifar Kúleba í færslu á samfélagsmiðlinum X.

Segir Þórdísi sannan vin

Kúleba þakkaði Þórdísi Kolbrúnu fyrir sterka forystu sína og viðleitni til að virkja alþjóðlegan stuðning við Úkraínu.

„Þú ert sannur vinur sem hefur verið ómetanlegur stuðningur á þessum erfiðu tímum,“ skrifar Kúleba. Óskar hann Þórdísi að lokum góðs gengis.