Tískustílistinn Sara Parker Bowles er fyrrverandi tengdadóttir Kamillu drottningar. Fyrrverandi tengdamóðir hennar er engin tískufyrirmynd og þrátt fyrir að stílistinn fái ekki lengur boð í höllina er hún ekki ósátt við stíl drottningarinnar. 

Sara Parker Bowles var gift Tom Barker Bowles og á með honum tvö börn. Hún hefur unnið sem tískuritstjóri fyrir Vogue og Harper's Bazaar og séð um að klæða stjörnur á borð við Kate Moss. Hún var fastagestur í konunglegum brúðkaupum en eftir skilnaðinn hefur orðið breyting á. Blaðamaður Daily Mail fékk hana til að gefa álit á fatastíl Kamillu og í leiðinni segja hvað henni finnst um fatastíl Katrínar prinsessu. Sara Parker Bowles hefur aldrei fengið að velja föt á konurnar tvær þrátt fyrir glæsilega ferilskrá. 

Kamilla drottning

„Ég held að Kamilla hafi ekki pælt mikið í tísku áður en hún varð drottning og henni ýtt út á mitt sviðið. Það sem ég elska mest við stílinn hennar er hvað hún nær þessu rétt, treystir á innsæið og er hún sjálf,“ sagði fyrrverandi tengdadóttir hennar.

Sara Parker Bowles segir að það sé skrítið að eiga sýna tískuáhuga á áttræðisaldri. „Hún hefur tekið athyglinni fagnandi og tekið óumflýjanlegri gagnrýni á sinn ótrúlega hátt. Hún er bara að skemmta sér og njóta sín. Ég gæti ekki hrósað henni meira.“

Kamilla drottning í september. AFP

Kamilla í hvítri kápu í Frakklandi. AFP

Kamilla drottning hræðist ekki munstur. AFP

Katrín prinsessa

„Það að Katrín valdi Söruh Burton hjá Alexander McQueen til þess að hanna brúðarkjólinn sinn og klæðast hönnun hennar á mikilvægum viðburðum sýnir að hún veit hvað hún er að gera þegar föt eru annars vegar,“ segir Parker Bowles. 

Hún bendir einnig á að Katrín sé með ótrúlegan líkama. „Hún myndi örugglega líta konunglega og elegant út í kartöflusekk.“

Katrín prinsessa í haustlegu vesti. AFP

Rautt fer Katrínu vel. AFP

Katrín prinsessa er alveg með galatískuna á hreinu. AFP