Anna Rut Þráinsdóttir viðskiptafræðingur og Óttar Pálsson lögmaður og einn af eigendum LOGOS lögmannsstofunnar eru farin hvort í sína áttina eftir langt samband. Þau eiga þrjú börn. 

Óttar hefur verið áberandi í viðskiptalífinu síðan hann útskrifaðist úr lögfræði frá Háskóla Íslands. Hann var um tíma forstjóri Straums-Burðaráss og hefur áralanga reynslu af lögmannsstörfum og var til dæmis lögmaður Lárusar Welding fyrrverandi forstjóra Glitnis. Hans er mikið getið í bók Lárusar Uppgjör bankamanns sem kom út í fyrra. Óttar hefur verið formaður siðareglunefndar Lögmannafélags Íslands frá árinu 2017. Anna Rut hefur starfað hjá Landsvirkjun síðan 2021 en áður vann hún hjá KPMG, Arion banka, Borgun og Tulipop svo einhver fyrirtæki séu nefnd.

Vel hefur árað hjá hjónunum í gegnum tíðina en árið 2016 var Óttar Pálsson einn af þeim sem greiddi hæstu skatta á Íslandi. Í kjölfarið birtist frétt þess efnis að tveir skattakóngar byggju hlið við hlið. 

Frétt af mbl.is

Skattakóngar búa hlið við hlið

Smartland óskar Önnu Rut og Óttari góðs gengis á tímum sem þessum!