Fólkið í sjávarútvegi | 23. október 2023

Hættir eftir 32 ár við Slysavarnaskóla sjómanna

„Sá árangur í slysavörnum á meðal sjómanna sem náðst hefur sést best í fækkun slysa. Margir samverkandi þættir koma hér til, en mestu ræður alltaf að við störf og stjórnvöl séu menn sem hafa visku til að mæta þeim aðstæðum sem upp geta komið,“ sagði Hilmar Snorrason, fráfarandi skólastjóri Slysavarnaskóla sjómanna, í Morgunblaðinu á laugardag.

Hættir eftir 32 ár við Slysavarnaskóla sjómanna

Fólkið í sjávarútvegi | 23. október 2023

Tryggja þarf að á sjónum séu menn sem hafa visku til að mæta aðstæðum sem upp geta komið, segir Hilmar Snorrason. mbl.is/Sigurður Bogi

Skólastjórastarfinu, sem Hilmar hefur gegnt síðastliðin 32 ár, lætur hann af nú um mánaðamótin. Nærri sjötugsaldri tekur við nýr kafli í lífinu og þau Hilmar og Áslaug Kristín Hansen eiginkona hans flytjast búferlum til Spánar á næstu vikum. Bogi Þorsteinsson aðstoðarskólastjóri tekur við keflinu af Hilmari.

Björgunaræfing sjómanna. mbl.is/Eggert Jóhannesson

„Stundum gerist mikið með einföldum breytingum,“ segir Hilmar.

Hann rifjar upp að þegar hans afskipti af þessum málum hófust um árið 1990 hafi slys til sjós verið um 800 á ári. Þegar gerðir voru kjarasamningar milli sjómanna og útgerðar um þetta leyti hafi verið sett inn ákvæði um staðgengilslaun. Inntak þess var að ef sjómaður veiktist eða slasaðist við störf þá skyldi hann fá sömu laun og sá sem kæmi í hans stað. Þetta hafi breytt miklu og tilkynningum um slys hafi fjölgað. Myndin hafi orðið skýrari og þarna komið hvati til þess að skrá öll slys. Slíkar upplýsingar hafi gert starf að slysavörnum markvissara.

Rætt var við Hilmar í Morgunblaðinu á laugardag.