Uppskriftir | 25. október 2023
Múmíu-pitsa í Hrekkjavökugleðina
Nú styttist óðum í Hrekkjavökuna ógurlegu en hún er þriðjudaginn 31. október næstkomandi. Margir munu taka forskot á sæluna og halda Hrekkjavökupartí um helgina. Næstu daga munu birtast ógurlegar uppskriftir að hrekkjavökukræsingum sem allir geta gert.
Múmíu-pitsa í Hrekkjavökugleðina
Uppskriftir | 25. október 2023
Setja bókamerki
Nú styttist óðum í Hrekkjavökuna ógurlegu en hún er þriðjudaginn 31. október næstkomandi. Margir munu taka forskot á sæluna og halda Hrekkjavökupartí um helgina. Næstu daga munu birtast ógurlegar uppskriftir að hrekkjavökukræsingum sem allir geta gert.
Nú styttist óðum í Hrekkjavökuna ógurlegu en hún er þriðjudaginn 31. október næstkomandi. Margir munu taka forskot á sæluna og halda Hrekkjavökupartí um helgina. Næstu daga munu birtast ógurlegar uppskriftir að hrekkjavökukræsingum sem allir geta gert.
Fyrsta uppskriftin er þessi draugalega pitsu-múmía sem er ótrúlega einfalt að gera. Helga Magga heilsumarkþjálfi á heiðurinn af þessari múmíu og hráefnalistinn er stuttur og laggóður. Múmían er hræðilega góð. Þið getið búið til ykkar eigin múmíu-pitsu með því sem ykkur þykir best en svona gerir Helga Magga sína uppáhalds. Svo er gott að setja smá pitsusósu í skál og dýfa pitsubitum í af vild.
Múmíu-pitsa
- 1 stk. pitsadeig að eigin vali
- Pitsusósa að eigin vali, magn eftir smekk
- 1 pk. rifinn ostur
- 1 pk. pepperoní, skorið í litlar sneiðar
- Fersk basilíka eftir smekk, söxuð
- 1 græn ólífa, sneidd fyrir augu á múmíu
- 2 stk. pepperoní fyrir augu á múmíu
Aðferð:
- Hitið ofninn í 180°C hita.
- Byrjið á því að dreifa úr pitsadeiginu, líkt og Helga Magga gerir í myndbandinu.
- Skerið í strimlana eins og Helga Magga sýnir í myndbandinu.
- Dreifið pitsasósu á óskorna hlutann.
- Næst dreifið þið rifna ostinum yfir pitsasósuna.
- Setjið síðan pepperoní ofan á ostinn eins og þið viljið hafa það.
- Að lokum dreifið þið saxaðri basilíku yfir.
- Fléttið síðan strimlunum yfir góðgætið líkt og Helga Magga gerir.
- Búið til augu með pepperoní og ólífusneiðum eftir smekk líkt sést í myndbandinu.
- Setjið á ofnplötu klædda bökunarpappír .
- Setjið inn í ofn og bakið í um það bil 12 til 15 mínútur.
- Berið fram á viðarbretti með pitsusósu í skál og skreytið með basilíku að vild.
