Árni Hauksson fjárfestir og Inga Lind Karlsdóttir, framleiðandi og einn af eigendum Skot Productions, eru flutt í sundur. Hjónin hafa fylgst lengi að en þau kynntust á sínum tíma þegar Árni var fjármálastjóri á DV sáluga og Inga Lind starfaði þar sem blaðamaður. Hjónin eiga saman stálpuð börn. 

Nú er hann fluttur í miðbæ Reykjavíkur, á Hafnartorg, en hún býr í glæsihúsi þeirra sem þau byggðu við Mávanes í Garðabæ. Húsið er 759 fm að stærð og var hannað af Gláma Kím arkitektastofunni og byggt 2012. töluvert var fjallað um húsið á sínum tíma í íslenskum fjölmiðlum því það þótti stærra og betra en gengur og gerist hjá venjulegu fólki. Húsið státar af einstöku útsýni út á Reykjanesskaga og þykir eitt af fallegustu húsum landsins. 

Smartland óskar þeim góðs gengis í öldugangi lífsins!