Bandaríska söngkonan Kelly Clarkson er nýjasta Hollywood-stjarnan sökuð um að notfæra sér sykursýkislyfið Ozempic, en lyfið hefur notið mikilla vinsælda hjá meðlimum Hollywood-elítunnar. 

Clarkson, sigurvegari fyrstu þáttaraðar American Idol og ein vinsældasta söngkona Bandaríkjanna, hefur verið þekkt fyrir að rokka upp og niður í þyngd enda viðurkennt að elska sveittan mat og fyrirlíta líkamsrækt. Síðastliðin ár hefur söngkonan þó leyft íturvöxnum líkama sínum að njóta sín en nú á dögunum frumsýndi Clarkson glænýtt útlit.

Söngkonan mætti í spjallþátt Jimmy Fallon, The Tonight Show Starring Jimmy Fallon, og sýndi þar myndarlegt þyngartap. Hún birti einnig myndir og myndskeið á Instagram og voru flestir fylgjendur stjörnunnar sammála um að þyngdartapið gæti aðeins verið Ozempic „að þakka“ og hvöttu Clarkson til að viðurkenna það. Aðrir sögðu þyngdartapið bara vera skilnaðarhefnd, en Clarkson sótti um skilnað frá umboðsmanninum Brandon Blackstock í júní 2020 eftir sjö ára hjónaband. 

Frétt af mbl.is

Í bataferli eftir skilnaðinn