Heilsuinniskórnir frá Kosy hafa notið ómældra vinsælda síðustu ár. Að sögn Lárusar Gunnsteinssonar, skósmiðameistara og skóhönnuðar, er það ekki að ástæðulausu. 

„Þægindin eru svo mikil að allir þreytuverkir eru á bak og burt um leið og þú stígur í skóna,“ segir Lárus sem býr yfir viðamikilli reynslu og þekkingu á skóhönnun og skósmíði í tengslum við heilsu fólks. 

„Hönnunin heyrir til vöðva- og beinabyggingu líkamans, æða og sina og tekur mið af almennum líkamsburði.“

Inniskórnir frá Kosy stuðla að bættri líkamsstöðu og vellíðan fyrir allan líkamann, en þeir eru búnir fjölmörgum eiginleikum sem sýnt hafa jákvæð áhrif á líkamsstöðu fólks og leiða til betra heilsufars í kjölfarið.

Kosy-inniskórnir henta vel öllum kynjum og eru einstaklega hentugir og þægilegir. Ljósmynd/Kosy

Innleggið lykilatriði

Innleggið er búið púðum sem ætlað er að örva viðbragðssvæði í fótum sem myndar jafnvægi á milli áreynslu og afslöppunar, dregur úr spennu og eykur blóðflæði. Að sögn Lárusar er hugsað fyrir hverju smáatriði við hönnun á skónum þar sem líkamsburður og skrefafjöldi meðalfólks er hafður til hliðsjónar ásamt lögun fóta í hverri stærð fyrir sig.

„Inniskór eru mikið notaðir og því þarf að gæta vel að innlegginu. Við notum inniskó bæði heima og í vinnunni og alls staðar. Heilsufarslegi ávinningurinn sem hlýst af því að ganga um í þessum inniskóm er mjög mikill,“ segir Lárus. 

„Það er mikil hugsun þarna á bak við. Flestir einstaklingar eru að ganga á milli 5.000 - 10.000 skref á dag sem gera þá um það bil 450 skref á klukkutíma að meðaltali. Og ef ég er 150 kíló þá er ég að flytja 150 kíló 450 sinnum á klukkutíma,“ útskýrir Lárus og segir það gefa auga leið að góður skóbúnaður utan- og innandyra er forsenda heilbrigðrar líkamsstöðu.

„Það skiptir mestu máli að undirlagið sé í lagi sama á hverju er verið að ganga: parketi, dúk, mold, möl eða grasi. Skórnir eru hannaðir með alla þessa fyrirvara í huga og þægindin höfð í fyrirrúmi út frá beinabyggingu og heilbrigðu göngulagi.“ Og að sjálfsögðu efnisvali í skóna.

Heilsuinniskórnir frá Kosy eru byggðir úr hágæða efnum sem ætlað er að bæta heilsufar fólks og veita þreyttum fótum aukna vellíðan. Ljósmynd/Kosy

Búnir níu byltingarkenndum nuddpúðum

Kosy-inniskórnir eru fáanlegir í verslunum Betra Baks og fást í ýmsum litum og útfærslum. Allir eiga þeir það sameiginlegt að búa yfir heilsufarslegum eiginleikum og vera gerðir úr hágæða efni. Skórnir eru leðurklæddir að innan, sólinn hæfilega mjúkur og klæddir merinóull að utan. Einnig eru til leðurskór sem eru sandalar með tveimur böndum ásamt lokuðum leðurskó.

„Leðrið andar stöðugt og kemur í veg fyrir vonda lykt eða sveppamyndun því það bindur ekki rakann í sér eins og gerviefni. Merinóullin hrindir einnig frá sér raka en hún gefur hitatemprun þannig að hún hentar bæði vel þeim sem eru heitfengir og þeim sem eiga það til að vera fótkaldir.“

Eiginleikarnir eru margir og mikill heilsufarslegur ávinningur sem hlýst af við að ganga um í heilsuinniskónum frá Kosy. Ljósmynd/Kosy

Líkt og fram hefur komið búa heilsuinniskórnir frá Kosy yfir fjölda eiginleika sem hefur heilsufarslegan ávinning í för með sér. Nuddpúðarnir níu sem staðsettir eru í innleggi þeirra veita létt nudd í hvert sinn sem skórnir eru í notkun og örva þar með blóðflæði í fótum. Ásamt því veita nuddpúðarnir iljunum ómótstæðileg þægindi með þrýstipunkta nuddi sem líkist því að fæturnir svífi.

„Áralöng reynsla og samvinna við lækna, hjúkrunarfræðinga og meðferðaraðila í gegnum tíðina hefur skilað okkur þessari góðu þekkingu og hjálpað okkur í hönnun þessa skóa,“ segir Lárus um vörulínu Kosy-inniskóna sem er í stöðugri sókn á skómarkaðnum hérlendis jafnt sem erlendis.

Hægt er að fá heilsuinniskóna frá Kosy í ýmsum litum. mbl.is/Kristinn Magnússon

„Skórnir hafa verið að seljast eins og heitar lummur víðs vegar um heim,“ segir hann en inniskórnir hafa selst vel í Belgíu, Lúxemborg, Tyrklandi og Þýskalandi. Þetta er gríðarlega vinsæl vara og má segja að um þá sé stundum slegist, sérstaklega þegar líða fer að jólum því þetta er líklega ein nytsamlegasta gjöf sem hægt er að gefa.“

Heilsuinniskórnir fást í fjölbreyttu úrvali í verslunum Betra Baks.