Tónlistarhátíðin Iceland Airwaves hófst með miklum látum í miðborg Reykjavíkur í gærkvöldi. Fjöldi fólks lagði leið sína niður í bæ til þess að sækja fyrstu viðburði hátíðarinnar, sem haldin er um helgina. Þeirra á meðal var leikkonan Steinunn Ólína Þorsteinsdóttir, en hún átti fríkvöld frá leikhúsinu og skellti sér á tónleika ásamt dóttur sinni, Júlíu Stefánsdóttur. 

Mæðgurnar fylgdust spenntar með er tónlistarkonan Gugusar steig á svið í Gamla Bíó við mikinn fögnuð viðstaddra. 

Steinunn Ólína fer um þessar mundir með hlutverk Múttu Courage í uppfærslu Þjóðleikhússins á Mútta Courage og börnin. Sýningin var frumsýnd nýverið.