Flugfreyjan og þjálfarinn Sara Davíðsdóttir er dugleg að hvetja fylgjendur sína á samfélagsmiðlum til að hreyfa sig á ferðalögum. Sjálf ferðast hún mikið í starfi sínu og kannast við að þurfa að aðlaga æfingar sínar að þeim búnaði sem er í boði á hótelum. Hún setti því saman skothelda æfingu sem auðvelt er að taka á ferðalagi. 

„Hér er smá svona hótelútgáfa af æfingu af Zone æfingaprógramminu mínu, en þessi æfing var sjúklega fljót að líða og tekur ekki meira en svona 45 til 50 mínútur. Æfingin keyrir púlsinn vel upp en þú getur að sjálfsögðu stjórnað hraðanum og tempóinu bara alveg eins og þú vilt,“ útskýrir Sara í myndskeiðinu. 

Æfingin er í sjö liðum og inniheldur þrjá EMOM-hringi (e. every minute on the minute), en EMOM þýðir að þú hefur eina mínútu til að klára ákveðinn fjölda æfinga. Ef þú klárar áður en mínútan er liðin færð þú að hvíla út mínútuna áður en þú færð í næstu æfingu.

Í æfingunni hjá Söru tekur hver EMOM-hringur 6 mínútur og samanstendur af tveimur mismunandi æfingum sem gerðar eru til skiptis á mínútu fresti. 

Skotheld æfing fyrir ferðalagið

A. Byrjaðu á því að hlaupa eða hjóla í 15 mínútur

B. Sippaðu í gegnum 1-2 lög, eða a.m.k. í 3 mínútur

C. EMOM í 6 mínútur, þrír hringir af:

• 10-12 thrusters
• 10-12 burpees eða sprawls

D. EMOM í 6 mínútur, þrír hringir af:

• 10-12 bekkpressur með handlóð
• 16-20 hliðaruppstig/hopp á bekk

E. EMOM í 6 mínútur, þrír hringir af:

• 10-12 súmó hnébeygjur með front raises
• 20 skautahopp

F. Sippaðu aftur í gegnum 1-2 lög eða a.m.k. í 3 mínútur

G. Safnaðu 3-5 mínútum í plankastöðu