Það var glatt á hjalla á Vinnustofu Kjarval þegar Skúli Sigurðsson rithöfundur fagnaði útkomu bókar sinnar Maðurinn frá São Paulo. Skúli hlaut Blóðdropann fyrir sína fyrstu bók í fyrra, Stóra bróður, og því var töluverð eftirvænting í loftinu þegar Skúli las upp úr nýju bókinni. Oft er sagt að það sé erfitt að gefa út aðra bók ef sú fyrsta hefur fengið góða dóma. 

Það var þó enginn hrollur í Skúla enda töluverður spenningur fyrir nýju bókinni sem gefin er út af Drápu. 

Eins og sést á myndunum þekkir Skúli mikið af skemmtilegu fólki sem les bækur - hangir ekki bara í símanum sínum eða horfir á Netflix.