Áhrifavaldurinn Brynhildur Gunnlaugsdóttir virðist þegar vera komin í mikið jólaskap ef marka má mynd sem hún birti á Instagram-sögu sinni í gær. 

Brynhildur er þegar búin að setja jólatréð upp á heimili sínu og skreyta það, en hún birti mynd af því á Instagram í gær og virðist ekkert skammast sín fyrir að vera snemma í því. Við myndina skrifaði hún „no shame“ eða „engin skömm“.

Auk þess að vera búin að skreyta jólatréð frá toppi til táar með ljósum og jólakúlum hefur hún einnig dregið fram fleira jólaskraut eins og jólakerti sem standa á sófaborðinu. 

Brynhildur stoppar þó ekki þar og tekur jólastemninguna einu skrefi lengra, en af myndinni að dæma virðist hún vera með mjög jólalega kvikmynd í gangi í sjónvarpinu.

Það er orðið mjög jólalegt hjá Brynhildi. Skjáskot/Instagram