Tómas R. Einarsson er einn af ástsælustu djasstónlistarmönnum landsins. Hann er bókmenntamaður, sagnfræðingur, Dalamaður og sagnamaður. Í samstarfi Smartlands og Forlagsins segir hann frá nýjustu bók sinni Gangandi bassi, endurminningar djassmanns. 

„Ég er búinn að þekkja þetta hljóðfæri, kontrabassa í 45 ár. Tilfinningalífið var svolítið stormasamt. Ég sagði honum upp eftir einn vetur því ég fékk ekki að spila blús með puttunum heldur átti að saga skosk þjóðlög með boga. En svo sumarið eftir, á götu í Osló, þegar ég sé glampandi fallegan kontrabassa í búðarglugga og ég átti pening og ég fór inn og keypti hann. Síðan þá höfum við verið saman.“