Þakkargjörðarhátíðin er á morgun, fimmtudaginn 23. nóvember og þá eru margir sem vilja gera sér glaðan dag sem halda í amerískar hefðir. Helga Magga heilsumarkþjálfi er ein þeirra sem heldur upp á daginn og deildi með fylgjendum sínum á Instagram hvernig hún töfrar fram girnilega þakkargjörðarmáltíð á einfaldan máta.

„Það er svo einfalt að matreiða smjörsprautaða kalkúnaskipið frá Hagkaup en hér sýni ég hvernig ég útbý kalkún á einfaldan og fljótlegan hátt. Ég keypti tilbúna fyllingu í Hagkaup og síðan sýni ég hvernig þú útbýrð góða sósu með,“ segir Helga Magga. Einnig deilir Helga Magga með fylgjendum uppskrift að sætkartöflumús.