Skemmdir á vatnslögn til Vestmannaeyja | 28. nóvember 2023
Samið um starfslok eftir skemmd á vatnslögn
Vinnslustöðin hefur samið um starfslok við tvo skipstjóra hjá fyrirtækinu. Skipstjórarnir skiptast á að vera skipstjórar á skipinu Huginn VE.
Samið um starfslok eftir skemmd á vatnslögn
Skemmdir á vatnslögn til Vestmannaeyja | 28. nóvember 2023
Setja bókamerki
Vinnslustöðin hefur samið um starfslok við tvo skipstjóra hjá fyrirtækinu. Skipstjórarnir skiptast á að vera skipstjórar á skipinu Huginn VE.
Vinnslustöðin hefur samið um starfslok við tvo skipstjóra hjá fyrirtækinu. Skipstjórarnir skiptast á að vera skipstjórar á skipinu Huginn VE.
Þetta staðfestir Sigurgeir Brynjar Kristgeirsson, framkvæmdastjóri Vinnslustöðvarinnar, í samtali við mbl.is. Hann segist ekki vilja tjá sig um ástæðu starfslokanna. Hann væntir þess að skipulagsbreytingar verði innan fyrirtækisins í kjölfarið.
Skipstjórarnir sem um ræðir eru Guðmundur Ingi Guðmundsson og Gylfi Viðar Guðmundsson.
Starfslokin koma í kjölfar þess að umfangsmiklar skemmdir urðu á vatnslöginni til Vestmannaeyja föstudagskvöldið 18. nóvember. Urðu skemmdirnar þegar Huginn VE sigldi inn til hafnar og akkeri bátsins losnaði og fór í lögnina.
Hefur áhyggjur af vetrinum
Skera þurfti akkerið frá og liggur það enn á hafsbotni.
Rannsóknarnefnd samgönguslysa rannsakar málið en vegna þeirra skemmda sem urðu á vatnslögninni hefur hættustigi verið lýst yfir í Eyjum. Skemmdirnar eru það miklar að ekki dugar að gera við lögnina til bráðabirgða og leggja þarf nýja lögn.
Sigurgeir Brynjar segist hafa áhyggjur af því hvernig veturinn verði í ljósi þess að svo miklar skemmdir eru á lögninni. Geti það haft áhrif á vinnslu stöðvarinnar í landi.
