Össur Kristinsson, stofnandi stoðtækjafyrirtækisins Össurar, hefur sett glæsilegt einbýlishús sitt á sölu. Um er að ræða 478 fm einbýli sem byggt var 1984. Össur festi kaup á húsinu árið 1996 en fór síðan í miklar endurbætur á því. Ásett verð er 260.000.000 kr. en fasteignamat er 220.850.000 kr. 

Húsið er sérstakt fyrir margar sakir en einn af helstu kostum þess er að húsið er með 12,5 m langri innisundlaug sem er staðsett í kjallara hússins. Á sama stað er heitur pottur sem flísalagður er með bláum mósaíkflísum. Í húsinu er heimabíósalur og er tilgreint í auglýsingu á fasteignavef mbl.is að húsið hafi fengið reglulegt viðhald. 

Húsið var teiknað af Kjartani Sveinssyni og státar af fögru útsýni yfir Fossvogsdalinn. Húsið var endurhannað og stækkað árið 2001 og samþykkti Kjartan þær breytingar. 

Af fasteignavef mbl.is: Sæbólsbraut 42