Rishi Sunak, forsætisráðherra Bretlands, segist finna mikið til með þeim sem misstu einhvern eða einhverja úr fjölskyldu sinni á meðan á kórónuveirufaraldrinum stóð.

Þetta sagði hann þegar hann var spurður út í störf sín sem fjármálaráðherra á þessum tíma.

Frétt af mbl.is

Johnson bað fjölskyldur afsökunar

Búist er við því að Sunak þurfi að svara spurningum rannsóknarnefndar um það hvort framtak hans „Borðið úti til að hjálpa til” til stuðnings veitingageiranum hafi dreift kórónuveirunni enn hraðar um Bretland.

Sunak sagði nefndinni að hann hefði tapað WhatsApp-skilaboðum sem voru send til hans á meðan á faraldrinum stóð vegna þess að þau fluttust ekki yfir í nýja síma hans.

Frétt af mbl.is

Boris átti erfitt með að meðtaka vísindaleg gögn

Í síðustu viku sagði Boris Johnson, sem var forsætisráðherra á sama tíma, við rannsóknarnefndina að appið hefði „einhvern veginn” á sjálfkrafa hátt eytt út spjallsögu sinni á símanum fyrstu sex mánuði ársins 2020.