Skýrsla starfshóps um nýtingu vindorku verður kynnt í umhverfis-, orku- og loftslagsráðuneytinu í Borgartúni í dag.

Frétt af mbl.is

Fjalla um álitaefni og valkosti vindorkuvera

Kynningin, sem hefst klukkan 15.30, verður í beinu streymi hér á mbl.is.

Guðlaugur Þór Þórðarson, umhverfis-, orku- og loftslagsráðherra, skipaði í júlí í fyrra þriggja manna starfshóp sem fékk það hlutverk að skoða og gera tillögur til ráðherra um drög að lögum og reglugerð um vindorku, með það að markmiði að einfalda uppbyggingu vindorkuvera til framleiðslu á grænni orku, jafnframt því að tekið verði tillit til sjónrænna áhrifa, dýralífs og náttúru.

Starfshópurinn hefur nú skilað ráðherra tillögum sínum.

Guðlaugur Þór Þórðarson. mbl.is/Eyþór Árnason

Starfshópinn skipuðu þau Hilmar Gunnlaugsson, formaður hópsins, Björt Ólafsdóttir, fyrrverandi ráðherra umhverfis- og auðlindamála og Kolbeinn Óttarsson Proppé, fyrrverandi alþingismaður.