Kjaramál sjómanna | 14. desember 2023

Ekki útséð um að deilan leysist án átaka

Félag vélstjóra og málmtæknimanna (VM) mun ekki taka ákvörðun um mögulegar vinnustöðvanir í tengslum við kjaraviðræður við Samtök fyrirtækja í sjávarútvegi (SFS) fyrr en eftir áramót, að því er fram kemur í Morgunblaðinu í dag.

Ekki útséð um að deilan leysist án átaka

Kjaramál sjómanna | 14. desember 2023

Kjaravirðæðum VM við SFS hefur verið slitið og munu vélstjórar nýta hátíðirnar til að skipuleggja næstu skref, verkfall er ekki útilokað. mbl.is/Óskar Pétur Friðriksson

„Ég yrði ekki hissa ef menn vildu – komi ekki fram verulega breytt tilboð – grípa til verkfalla á nýju ári,“ segir Guðmundur Helgi Þórarinsson formaður VM. „Við erum ekki búin að taka ákvörðun um framhaldið. Við höfum sýnt mjög mikið langlundargeð.“

Guðmundur Helgi Þórarinsson, formaður VM. mbl.is/Eggert Jóhannesson

VM tilkynnti 6. desember að ákveðið hefði verið að slíta viðræðum við SFS og fullyrt var að viðræðurnar hefðu reynst árangurslausar. Samninganefnd VM hygðist nú ráðfæra sig við félagsmenn um næstu skref.

Frétt af mbl.is

Vélstjórar slíta viðræðum við SFS

Guðmundur Helgi telur vandamál að forstjórar félaga taki þátt í viðræðunum sjálfum. „Ef þeir vildu semja fljótt og vel myndu þeir ekki hleypa forstjórunum að, þeir eru vanir að stjórna öllum. […] Þetta er að verða erfiðara en pólitíkin. Það þykir mér leitt.“

Nánar má lesa um kjaradeiluna í Morgunblaðinu í dag.