Nú styttist óðum í jólin og þriðja helgi aðventunnar gengin í garð. Síðustu tvær helgar hafa þjálfarar deilt skemmtilegum æfingarmyndböndum með lesendum mbl.is í von um að hvetja til hreyfingar í stressinu sem fylgir gjarnan jólunum. Þessa helgina ætlar þjálfarinn Magnea Ýr Gylfadóttir að leiða lesendur í gegnum skothelda 30 mínútna æfingu.

Frétt af mbl.is

„Ekki taka þig í gegn í janúar“

Frétt af mbl.is

Taktu kröftuga pílates-æfingu með Margréti Hörn

Magnea starfar sem viðskiptastjóri hjá Artasan og kennir samhliða því námskeiðið Dansstyrkur hjá líkamsræktarstöðinni GoMove á Kársnesinu. Hún byrjaði að æfa dans þegar hún var 14 ára gömul og er með BA-gráðu í samtímadansi frá Listaháskóla Íslands auk viðbótardiplómu í stjórnun í tómstunda- og félagsmálafræði. 

Blanda af dansi, barre og jóga

Æfingin er 30 mínútur að lengd og inniheldur skemmtilegar styrktaræfingar úr dansi, barre og jóga í anda námskeiðsins sem Magnea kennir. Æfinguna er hægt að taka hvar og hvenær sem er, en það eina sem þú þarft er dýna. 

Þeir sem vilja geta verið eitt sett af léttum lóðum, en Magnea mælir þó með því að lóðin séu ekki mikið þyngri en tvö og hálft eða þrjú kíló hvort. Í myndbandinu fer Magnea vel yfir hverja æfingu og kemur með hagnýta punkta um hverja æfingu, en hún leggur áherslu á að huga vel að góðri líkamsstöðu í æfingunum.