Guðmundur Ragnarsson er nýtútskrifaður fatahönnuður frá Listaháskóla Íslands. Hann mælir með því að hvíla jakkafatajakkann um jólin og prófa sig áfram með yfirskyrtur sem skapa afslappaðan stíl.
Guðmundur Ragnarsson er nýtútskrifaður fatahönnuður frá Listaháskóla Íslands. Hann mælir með því að hvíla jakkafatajakkann um jólin og prófa sig áfram með yfirskyrtur sem skapa afslappaðan stíl.
Guðmundur Ragnarsson er nýtútskrifaður fatahönnuður frá Listaháskóla Íslands. Hann mælir með því að hvíla jakkafatajakkann um jólin og prófa sig áfram með yfirskyrtur sem skapa afslappaðan stíl.
„Mér hefuralltaf fundist gaman að velja á mig föt. Áhugi minn á tísku byrjaði fyrir alvöru í menntaskóla, þá var ég farinn að fletta upp hvaða merkjum uppáhaldstónlistarmennirnir mínir klæddust,“ segir Guðmundur um tískuáhugann.
Hvernig er aðventan hjá þér?
„Hitti vini í jólaglögg, fer á jólatónleika og uppistand, tek miðbæjarrölt og kaupi jólagjafir.“
Hvað kemur þér í jólaskap?
„Ég horfi á Christmas Vacation með kærustunni og fæ mér jólaglögg, kaupi jólagjafir og held litlu jól með vinum.“
Hvernig ætlarðu að klæða þig um jólin?
„Mér finnst almennt skemmtilegt að fara milliveginn í fínt og afslappað. Ég ætla að vinna með ullarpeysur og yfirskyrtur í bland við hefðbundinn fínan fatnað. Ég á nýja yfirskyrtu frá Arason sem ég mun nýta mikið yfir hátíðirnar. Mér finnst mikilvægt að kaupa gæði og íslenska hönnun.“
Gilda aðrar reglur um klæðnað á aðfangadagskvöld en um jólatónleika með vinunum?
„Á aðfangadagskvöld verð ég meira kósí fínn; í fínum buxum með skyrtu og með bindi og í fínni ullarpeysu eða gollu. Á jólatónleikum myndi ég skipta peysunni út fyrir yfirskyrtu eða flottan jakka.“
Finnst þér eitthvað spennandi í jólatískunni í ár?
„Skipta jakkanum út fyrir fallega og vandaða yfirskyrtu.“
Passar þú að fara ekki í jólaköttinn?
„Já, ég fæ oftast einhverja fallega fík í jólagjöf frá kærustunni minni.“
Eiga karlmenn að nota skart um jólin?
„Mér finnst skart sniðug leið til þess að bæta lúkkið á einfaldan og fallegan hátt. Ég er sérstaklega hrifinn af úrum, maður getur fundið mjög falleg og einstök úr í nytjamörkuðum.“
Pælir þú í kvenfatatísku?
„Ég veit að efst á óskalistnum hjá Sigríði kærustunni minni er Maison Margiela Tabi Ballet Flats.“
Hvað ætti allt tískuáhugafólk að setja á óskalistann fyrir þessi jól?
„Flottar og vandaðar mokkasíur! Á jólagjafalistanum mínum má finna Mike-mokkasíur frá Vagabond.“
Hefurðu gefið gjöf sem hefur hitt sérstaklega vel í mark?
„Já, málverk sem ég málaði og gaf foreldrum mínum í jólagjöf í fyrra, það hitti einstaklega vel í mark.“
Hvernig verða jólin hjá þér í ár?
„Ég fer vestur til fjölskyldunnar og eyði jólunum með þeim.“