Nýlega opnaði húsbúnaðar- og gjafavöruverslunin Home & You í glæsilegu 400 fermetra verslunarrými í Smáralind. Ingibjörg Salóme Sigurðardóttir, framkvæmdastjóri Home & You á Íslandi, segir viðtökurnar við versluninni hafa farið fram úr björtustu vonum.

„Það hefur verið fullt út úr dyrum hjá okkur alla daga frá því verslunin opnaði og mikið fjör,“ segir hún. „Við erum afskaplega ánægð að vera orðin hluti af þessu frábæra samfélagi sem Smáralindin er og Íslendingum finnst ómissandi að heimsækja fyrir jólin.“

Versl­an­ir Home & You eru orðnar hátt í 200 talsins víða um Evrópu og hefur vöxtur þeirra verið gríðarlega hraður. Ingibjörg segir þá þróun helst tilkomna vegna hagstæðs vöruverðs og fjölbreytts vöruúrvals sem verslunarkeðjan er þekkt fyrir.

„Vinsældir Home & You hafa verið að aukast mikið síðustu ár enda geta allir fundið fallegar vörur við sitt hæfi hjá okkur og plúsinn er sá að þær eru á viðráðanlegu verði. Viðskiptavinir okkar hafa hrósað okkur í hástert og aðallega fáum við að heyra hvað verðið er gott. Home & You leggur nefnilega áherslu á fallegar og góðar vörur á góðu verði.“

Vöruúrval Home & You er mjög litskrúðugt en náttúrulegir litir eru ekki síðar heillandi og vinsælir. mbl.is/Árni Sæberg

Heimilisprýði og gullfallegar gjafir

Frá því verslunin Home & You opnaði í Smáralind í lok nóvember hafa tæplega 2000 ný vörunúmer bæst við vöruúrvalið. Þar er að finna allt til að fegra heimilið eða flikka upp á einstök rými því í Home & You fást smávörur af ýmsu tagi sem setja punktinn yfir i-ið. 

„Guðdómlegu ilmkertin okkar voru til dæmis að lenda og við fengum fullt af nýjum ilmum sem ekki er hægt að lýsa með orðum, þau ilma svo vel og á svo ólíkan hátt,“ segir Ingibjörg og nefnir að ilmkerti eru sígildar og fínar jólagjafir fyrir fagurkera og þau sem eiga allt.

„Við erum með alveg gríðarlega fjölbreytt úrval og í rauninni er erfitt að segja til um hvaða vörur eru vinsælastar því það er hreyfing á öllu mögulegu. Handklæðin okkar hafa verið að seljast mjög vel og öll fallegu glösin,“ segir Ingibjörg.

Handklæðin frá Home & You eru frábær í jólapakkann. Sígild og endingargóð. mbl.is/Árni Sæberg

Fullkomnaðu jólin

Í aðdraganda jóla segir Ingibjörg að dúkar og löberar hafi rokið út. Enda séu fallega dekkuð hátíðarborð órjúfanlegur hluti jólahátíðarinnar hjá mörgum.

„Það skiptir marga mjög miklu máli að hafa fallegt veisluborð yfir hátíðirnar. Hjá Home & You eru fáanlegir fallegir dúkar í ýmsum útfærslum, kerti og skreytingar sem setja sannkallaðan hátíðarbrag á heimilið,“ segir hún.

„Það sem mér finnst skipta svo miklu við að útbúa fallegt hátíðarborð er að vera með fallegan dúk, jafnvel löber og/eða diskamottur í stíl við dúkinn. Við eigum mikið úrval af geggjuðum dúkum sem halda sér vel og liggja fallega á borði.“

Hvers kyns húsbúnaðarvörur eru fáanlegar í Home & You. mbl.is/Árni Sæberg

Síðustu vikur hafa jólavörurnar sett svip á vöruúrvalið í Home & You. „Það er svo gaman að koma í Home & You og gleyma sér í því að skoða allar vörurnar. Jólavörurnar gleðja augað á þessum árstíma enda erum við með mikið úrval af fallegri og einstakri jólavöru þar sem ljósa- og litadýrðin svíkur engan.“

Hjá Home & You fást góðar og fallegar jólagjafir sem gleðja unga sem aldna á breiðu verðbili. Ingibjörg hvetur þá sem eiga eftir að finna hina fullkomnu jólagjöf handa ástvinum sínum til að líta við í Home & You.

„Hjá okkur er hægt að fá allt í jólapakkann. Hvort sem um litla vinkonugjöf er að ræða eða eitthvað aðeins stærra eins og veglegur og flottur lampi. Þú finnur hina fullkomnu jólagjöf fyrir fagurkerann hjá okkur. Kíktu við hjá okkur - sjón er sögu ríkari.“   

Jólavörurnar eru einstakar og litadýrðin gleður augað. mbl.is/Árni Sæberg